इजिप्टका विदेशमन्त्री बद्र अब्देलाट्टीले लेबनानमा नयाँ राष्ट्रपति चयन गर्न इजिप्टको पूर्ण समर्थन रहेको बताउनुभएको छ । अब्देलाट्टीले लेबनानी संसदका सभामुख नाबिह बेरीसँग फोन वार्ताका क्रममा उक्त टिप्पणी गर्नुभएको हो । बेरीले लेबनानको लागि राष्ट्रपति चयन गर्न बिहीवार हुने साधारण सत्रको लागि आह्वान गरेको एक दिनपछि यो कुराकानी भएको हो । मन्त्रीले विदेशी आदेशबाट मुक्त विशुद्ध लेबनानी सहमतिमा पुग्नुपर्ने आवश्यकतामा जोड दिए । अब्देलाट्टीले लेबनानलाई आन्तरिक र क्षेत्रीय चुनौती र जोखिमहरूको सामना गर्न नेतृत्व गर्न सक्षम राष्ट्रपतिको चुनावको लागि आह्वान गर्नुभयो । राजनीतिक विभाजनका कारण लेबनानी संसदले अक्टोबर २०२२ को अन्त्यतिर पूर्व ाष्ट्रपति मिशेल आउनको कार्यकाल समाप्त भएपछि आयोजित १२ वटा राष्ट्रपति चुनाव सत्रहरूमा नेता चयन गर्न असफल भएको छ । राष्ट्रपतिको शुन्यताको बीचमा लेबनानमा कामचलाउ प्रशासनले शासन गरिरहेको छ ।