काठमाडौं । नेपाली कांग्रेसका नेता गगन थापाले पार्टीको वर्तमान विवादप्रति स्पष्ट दृष्टिकोण राख्दै शेरबहादुर देउवा नेतृत्वको कार्यसमिति अब अस्तित्वमा नरहेको बताएका छन्।
विशेष महाधिवेशनको अवसरमा बोल्दै उनले भने, “२४८८ महाधिवेशन प्रतिनिधि यहाँ उपस्थित हुनुहुन्छ। तपाईंहरू मात्र निर्वाचन आयोग जानुहुन्छ, तर हामीले समयमै आयोगलाई आवश्यक जानकारी पठाइसक्यौं। देउवाको नेतृत्वमा रहेको कार्यसमिति भंग भइसकेको छ। हामी नयाँ नेतृत्व चयनको प्रक्रियामा अघि बढिरहेका छौं। यो सम्पूर्ण देश र नागरिकले सुनिरहेको छ।”
उनको यो वक्तव्यले पार्टीभित्रको विभाजन र नेतृत्व परिवर्तनको संकेत गरेको देखिन्छ। महाधिवेशन पक्षधरहरूले अब नयाँ नेतृत्वको तयारीलाई तीव्रता दिएका छन्, जसले आगामी राजनीतिक गतिविधिहरूमा महत्वपूर्ण प्रभाव पार्ने अनुमान गरिएको छ।
