काठमाडौं । अहमदाबाद विमानस्थल नजिकै एउटा विमान दुर्घटनामा परेको छ ।
भारतको समाचार संस्था इन्डिया टुडेका अनुसार बिहीबार दिउँसो भारतको गुजरातस्थित अहमदाबादको मेघानीनगर क्षेत्रमा विमान दुर्घटना भएको हो ।
अहमदाबाद विमानस्थलबाट लन्डनका लागि उडेको एयर इन्डियाको विमान उडान भरेको केही समयपछि नै दुर्घटनाग्रस्त भएको जनाइएको छ ।
विमानमा २४२ यात्रु सवार थिए । दुर्घटनाको बारेमा थप विवरण आउन बाँकी छ ।
